الثورة من وجهة نظرى

بسم الله الرحمن الرحيم

السلام عليكم ورحمة الله وبركاته

شايف الثورة إزاى ؟

هى فورة كما قال عنها الشيخ أبو اسحاق الحوينى لأن مفيش ثورة من غير زعيم ..

اتغيرنا بعد الفورة ؟

أيوه .. كلنا بقينا بنتكلم ..

مين اللى يمسك مصر ؟

أى واحد هيمسك مصر الفترة الجاية هيقيد صوابعه العشرة شمع ..

فيه أمل ؟

أكيد .. هنحس بالتغيير بعد اربع خمس سنين وهتبقى الحالة حلوة لمدة خمس ست سنين ..

وبعدين ؟

لو رجعنا للتاريخ هنلاقى ان اسرة محمد على جات فى الآخر وخابت .. وأسرة يوليو جات فى الآخر وخابت .. وخليك ماشى كده من أول الفراعنة .. تفتكر إن أسرة يناير هى اللى هتبقى فلتة وتغير التاريخ !! ..

مين دلوقتى بيمثل تفكيرك ؟

خليط من الشيخ أبو إسحاق الحوينى والدكتور مصطفى محمود والأستاذ حازم صلاح أبو اسماعيل !! ..

رأيك فى السلف والإخوان ؟

إذا كان ممثل السلفيين هو الشيخ أبو اسحاق الحوينى ,, فأنا سلفى

وإذا كان ممثل الإخوان هو الشيخ حسن البنا ,, فأنا إخوانى

الخلاصة ؟

مصر عمر حالها ما هيتصلح ولا راسها هتترفع !!

الحُب وانكسار الإرادة

قالت .. ولكن الحب انكسار إرادة .. وأنا لا أطيق أن يكسر أحد ارادتى حتى لو كنت أحبه .
قلت .. هناك انكسار إجبارى وهناك انكسار اختيارى .. الأول يأتى من خارجنا والثانى يأتى من داخلنا .. وأنا حينما أنسى كبريائى مع من أحب فهذا انكسار اختيارى .. وحينما أعطى بسخاء دون أن أطلب المقابل فأنا أعطى بكامل رضاى ..
قالت .. ولكننا أحياناً ,, نفتقد ارادتنا فى الحب

قلت .. هناك فرق كبير بين أن نفقد إرادتنا قهراً وأن نفقدها اختياراً
قالت .. كثيراً ما نشعر بأننا فقدناها إجباراً أمام تسلط الرجل
قلت .. الرجل المحب لا يتسلط أبداً
قالت .. الحب ليس كله اختياراً ..
قلت .. وليس كله اجباراً
قالت .. هو فقدان إرادة
قلت .. هو اتحاد إرادتين ..
قالت .. إلغاء إرادة لحساب أخرى
قلت .. إذا كان من طرف واحد ..
قالت .. حتى ولو كان من الطرفين .. إننى أرفض أن أضيع فى انسان آخر أو أتلاشى فيه
قلت .. هو أيضاً يتلاشى فيك
قالت .. الرجل لا يعترف أبداً بأنه تلاشى فى امرأة يحبها .. إنه مثل الثعلب ينام وعينه مفتوحة .. ولكن المرأة تنسى كل شىء من أجل رجل تحبه ولهذا أرفض الحب الذى يُفقدنا الإرادة .
قلت .. سأكون حريصاً على استقلال إرادتك

قالت .. كل الرجال رفعوا راية حقوق المرأة وكانوا أول الدعاة لاحتلالها .

قلت .. إنكِ تتحدثين كثيراً عن إرادتك وحدك ونسيتى أننى أيضاً فقدت إرادتى معكِ .
قالت .. لم أشعر بأنك فقدت شيئاً على الإطلاق .
قلت .. هذه مشكلة حواء دائماً .. لا ترى فى المرآة شيئاً غير ملامح وجهها الجميل .

الرجل المُحب لا يتسلط أبداً

الجاهل الواهم المغرور

بسم الله الرحمن الرحيم

قَالَ فِرْعَوْنُ وَمَا رَبُّ الْعَالَمِينَ

قَالَ رَبُّ السَّمَاوَاتِ وَالْأَرْضِ وَمَا بَيْنَهُمَا إن كُنتُم مُّوقِنِينَ

قَالَ لِمَنْ حَوْلَهُ أَلَا تَسْتَمِعُونَ

قَالَ رَبُّكُمْ وَرَبُّ آبَائِكُمُ الْأَوَّلِينَ

قَالَ إِنَّ رَسُولَكُمُ الَّذِي أُرْسِلَ إِلَيْكُمْ لَمَجْنُونٌ

قَالَ رَبُّ الْمَشْرِقِ وَالْمَغْرِبِ وَمَا بَيْنَهُمَا إِن كُنتُمْ تَعْقِلُونَ

قَالَ لَئِنِ اتَّخَذْتَ إِلَهًا غَيْرِي لَأَجْعَلَنَّكَ مِنَ الْمَسْجُونِينَ

قَالَ أَوَلَوْ جِئْتُكَ بِشَيْءٍ مُّبِينٍ

قَالَ فَأْتِ بِهِ إِن كُنتَ مِنَ الصَّادِقِينَ

فَأَلْقَى عَصَاهُ فَإِذَا هِيَ ثُعْبَانٌ مُّبِينٌ

وَنَزَعَ يَدَهُ فَإِذَا هِيَ بَيْضَاء لِلنَّاظِرِينَ

قَالَ لِلْمَلَإِ حَوْلَهُ إِنَّ هَذَا لَسَاحِرٌ عَلِيمٌ

يُرِيدُ أَن يُخْرِجَكُم مِّنْ أَرْضِكُم بِسِحْرِهِ فَمَاذَا تَأْمُرُونَ

قَالُوا أَرْجِهِ وَأَخَاهُ وَابْعَثْ فِي الْمَدَائِنِ حَاشِرِينَ

يَأْتُوكَ بِكُلِّ سَحَّارٍ عَلِيمٍ

فَجُمِعَ السَّحَرَةُ لِمِيقَاتِ يَوْمٍ مَّعْلُومٍ

وَقِيلَ لِلنَّاسِ هَلْ أَنتُم مُّجْتَمِعُونَ

لَعَلَّنَا نَتَّبِعُ السَّحَرَةَ إِن كَانُوا هُمُ الْغَالِبِينَ

فَلَمَّا جَاء السَّحَرَةُ قَالُوا لِفِرْعَوْنَ أَئِنَّ لَنَا لَأَجْرًا إِن كُنَّا نَحْنُ الْغَالِبِينَ

قَالَ نَعَمْ وَإِنَّكُمْ إِذًا لَّمِنَ الْمُقَرَّبِينَ

قَالَ لَهُم مُّوسَى أَلْقُوا مَا أَنتُم مُّلْقُونَ

فَأَلْقَوْا حِبَالَهُمْ وَعِصِيَّهُمْ وَقَالُوا بِعِزَّةِ فِرْعَوْنَ إِنَّا لَنَحْنُ الْغَالِبُونَ

فَأَلْقَى مُوسَى عَصَاهُ فَإِذَا هِيَ تَلْقَفُ مَا يَأْفِكُونَ

فَأُلْقِيَ السَّحَرَةُ سَاجِدِينَ

قَالُوا آمَنَّا بِرَبِّ الْعَالَمِينَ

رَبِّ مُوسَى وَهَارُونَ

قَالَ آمَنتُمْ لَهُ قَبْلَ أَنْ آذَنَ لَكُمْ ؟

إِنَّهُ لَكَبِيرُكُمُ الَّذِي عَلَّمَكُمُ السِّحْرَ فَلَسَوْفَ تَعْلَمُونَ لَأُقَطِّعَنَّ أَيْدِيَكُمْ وَأَرْجُلَكُم مِّنْ خِلَافٍ وَلَأُصَلِّبَنَّكُمْ أَجْمَعِينَ

فيه نوعية من الناس زى فرعون كده ما تعرفش تتكلم معاه .. جاهل ولا يمتلك حجة ولا دليل على معتقده ومع ذلك لا يعترف بخطأه .. إذا قابلك أحداً منهم أرِح نفسك ولا تُناقشه .. وتذكر قول الإمام الشافعى رحمه الله

قــــالوا سكت وقد خوصمت قلت لهم .. إن الجـــواب لبــاب الشـــر مفتــاح

والصمت عن جاهل أو أحمق شرف .. وفيه أيضا لصون العرض إصلاح

جزاكم الله خيراً

حــوار مع إمـــرأة

بسم الله الرحمن الرحيم
السلام عليكم ورحمة الله وبركاته

ندخل فى الموضوع على طول :) :)

أقدر أعرف إنتى ليه عايزة تخشى الجامعة ؟

عشان أتعلم !!

العلم مش فى الجامعة .. العلم فى الكتب ومش ضرورى تخشى الجامعة عشان تقرى أى كتاب

ما حدش يصدق إنى اتعلمت إلا لما يبقى فى ايدى شهادة ..

وعايزة الشهادة تعملى بيها إيه .. حتطبخى بيها .. هتربى بيها العيال ؟!

تبقى سلاح فى ايدى استغنى بيه عن الناس ..

حتى عن جوزك ؟!

جوزى طول ما بيصرف عليا يقدر يذلنى ويفرض عليا إرادته ويعمل فيا اللى هوه عايزه .. أنا استحملت كتير عشان كنت محتاجة لعمتى وجوز عمتى ( مامتها ماتت وهى صغيرة ووالدها وداها لعمتها عشان تربيها ) .. وما أقدرش أفضل مستحملة طول عمرى عشان محتاجة لجوزى ..

الجواز مش أكل عيش يا أمينة .. الجواز يعنى اتنين بيحبوا بعض ويثقوا فى بعض وعايزين يعيشوا مع بعض .. والراجل ما بيصرفش على مراته عشان يذلها إنما لأنه محتاج لها زى ما هى محتاجة له ويمكن أكتر .. وهمه الاتنين بيعاونوا بعض على الحياة .. هو بيشتغل بره وهى بتشتغل فى البيت..

بتشتغل فى البيت خدامة .. يطردها وقت ما يعوز ويمرمط فيها زى ماهو عايز .. وافرض إن الحب اللى بتقول عليه انتهى .. تعمل إيه الست ؟ تفضل مستحملة الهم لأنها مضطرة تعيش معاه ومضطرة تقعد فى بيته ؟ ومضطرة توكل نفسها وتوكل أولادها .. عشان كده لازم يبقى معايا شهادة علشان ما أضطرش أقعد فى بيت مش عايزة أقعد فيه .. وابقى حرة وجوزى يفهم إنى زيى زيه أقدر استغنى عنه زى ما هو يقدر يستغنى عنى .. ويمكن لما يعرف كده يحترمنى ويبقى عليا ..

عمر ما الراجل احترم مراته علشان عندها شهادة وعمره ما بقى عليها لأنه عارف إنها مستغنية عنه .. الراجل بيحترم مراته لأنها ست محترمة وبيبقى عليها لأنه محتاج ليها ولأنه سعيد بيها ولأنها جزء من حياته ..

وانت خاسس عليك إيه .. مش يبقى أحسن لما آخد شهادة واشتغل وأحط فلوسى على فلوسك ونعيش أحسن ما كنا هنعيش ..

إنتى كمان عايزة تشتغلى ؟

وليه لأ ؟

شغل البيت كفاية على الست .. دا شغل عايز وقتها كله ( والدتى أنا قالتلى إن شغل البيت ما بيخلصش :) ) ..

يعنى هفضل أكنس وأطبخ طول النهار والليل ؟!

كفاية إنك تقعدى فى انتظار جوزك .. الإنتظار يولد الشوق .. والشوق يولد الحب .. والحب هو السعادة .. تصورى سعادة الراجل وهو راجع البيت ملهوف وعارف إن مراته مستنياه .. وتصورى سعادة الزوجة لما الساعة تبقى اتنين ويقرب معاد عودة زوجها بعد ما استنته ساعتين وتلاتة .. وتصورى شقاء الإتنين لما كل واحد منهم يرجع شقيان من الشغل وعارف إن مفيش حد فى انتظاره .. دى تبقى حياة كرب .. حياة آلية .. يبقى مفيش لزمة للجواز ..

اسمح لى أقولك إنك راجل خيالى مش واقعى ..

واسمحيللى أقولك إنك مش عايزة تتجوزى .. يمكن مش عاجبك .. يمكن حاطه عينك على راجل تانى .. مين عارف !

سكتت أمينة شوية وأرخت أهدابها فوق عينيها ثم قالت فى صوت ناعم وقد احتقنت وجنتاها حياء .. أحلفلك إن مفيش حد تانى واحلفلك إن عمرى ما اتمنيت راجل أحسن منك .. إنت فى نظرى زوج مثالى .. لكن أرجوك تحاول تفهمنى .. انا قعدت طول عمرى مستنية اليوم اللى اقدر أدخل فيه الجامعة وأحلم إنى اشتغلت وبقيت حرة نفسى .. وخايفة لو اتجوزت قبل ما احقق حلمى إنى أفضل ندمانة طول عمرى وأعكنن عيشة اللى يتجوزنى .. قول عليا مجنونة .. قول عليا عنيدة ومغفلة .. لكن ما أقدرش .. أنا كده .. انت تستحق واحدة أحسن منى .. وكانت تتكلم وكأنها تبكى .. تبكى نفسها وتبكى ضياعه منها ..

قال فى صوت محشرج كأنه يخنق قلبه .. اللى تشوفيه يا أمينة .. دى حياتك ومستقبلك .. ومد يده لها مصافحاً ..

ومدت له يدها وهى مطأطئة الرأس وكأنها تخفى دموعها .. وسحب يده من يدها وأدار لها ظهره واتجه إلى الباب .. وما كاد يخرج حتى سقطت أمينة فوق مقعدها تبكى وتضرب مسند المقعد بقبضتيها وكأنها تضرب شيطاناً يعيش فى صدرها .. شيطاناً عنيداً يملى عليها تصرفاتها ولا تستطيع أن ترد له أمراً ..

الجزء التانى .. أمينة اشتغلت

قال وكأنه يتهكم ..

وصلتى لفين ؟

للحرية .. حريتى .. الحرية اللى العباسية بتعتبرها قلة أدب .. أنا دلوقتى حرة وما أظنش إنى قليلة الأدب ..

قال وبين شفتيه ابتسامة ساخرة .. وما أظنش إنك حرة !

قالت فى حدة وكأنها أُهينت .. مش حرة إزاى .. أنا اتحررت من كل حاجة .. اتحررت من العباسية وتحررت من التقاليد وتحررت من الزواج وتحررت من حاجتى لواحد يصرف عليا .. أنا دلوقتى زيي زيك .. إنت عندك شهادة وأنا عندى شهادة .. وانت بتشتغل وأنا بشتغل .. وانت بتكسب وانا بكسب .. ومؤكد إنى بكسب أكتر منك .. يبقى ازاى أنا مش حرة ! .. ناقصنى إيه علشان أبقى حرة ؟!

وكان صوتها قد بدأ يرتفع وبدت كأنها غاضبة .. ورد عليها فى هدوء بارد وابتسامته الضيقة تشق شفتيه ..

ناقصك إنك تكونى حرة !!

والتفتت إليه فى حدة وقالت .. إسمع يا استاذ عباس .. .. وقاطعها قبل أن تتم كلامها ..

ما تزعليش .. واسمحيللى اسألك سال واحد .. إنتى عايزة تكونى حرة ليه ؟!

قالت وكأنها تضرب كفاً على كف .. هى الحرية كمان لازم يكون ليها سبب ؟!

قال وهو جاد كأنه يلقى درساً .. الحرية وسيلة مش غاية .. أنا مثلاً عايز الحرية علشان أكتب ما أعتقده .. وبطالب بالحرية لخصمى عشان هو كمان يكتب ما يعتقده .. لأنى أؤمن أن حرية الرأى هى التى توصلنا للرأى الصحيح .. وإذا كان الطريق للحرية صعب فالطريق بعد الحرية أصعب .

وصمتت برهة كأنها تستوعب هذا الكلام ثم قالت كأنها تدافع عن نفسها .. أنا عايزة الحرية عشان أعمل اللى أنا عايزاه !

قال مبتسماً .. عايزة إيه ؟

قالت وقد بدأت تحتد من جديد .. عايزة أكسب قوتى بإيدى زى أى راجل !

قال وابتسامته لا تفارق شفتيه .. الرجالة بيضحوا بقوتهم علشان الحرية .. يبقى مش معقول إنهم بيطالبوا بالحرية عشان القوت !

قالت وقد ارتفع صوتها .. على كده بقى كل الرجالة فى مصر عبيد .. مادام بيشتغلوا عشان يكسبوا عيشهم !

فعلاً .. موظف الحكومة عبد للحكومة .. وبياع البليلة عبد للبليلة والعامل عبد للآلة اللى بيقف قدامها .. إنما كل دول عبيد ليطالبوا بالحرية مابيطالبوش بالتحرر من الوظيفة ولا من البليلة ولا من الآلة .. وإنما بيطالبوا بشىْ أرقى وأضخم من كده .. بيطالبوا بشىء متعلق بإيمانهم .

وصمتت طويلاً وكأنها هامت فى حديثه ثم قالت .. يعنى كنت عايزنى اتجوز راجل يستعبدنى ؟

ما انتى دلوقتى متجوزة شركة أمريكية بتستعبدك .. يمكن الراجل اللى تتجوزيه يبقى أرحم بيكى من الشركة .. وأحست بمنطقه يلف حول رأسها كأنه يحاول أن يقيده ويضرب سياجاً غليظاً .. فصاحت وكأنها فزعة ..

إيه المنطق ده .. عايزنى أتجوز راجل ماحبوش بدل ما ابقى حرة واشتغل فى شركة محترمة ؟!

قال ساخراً .. وانتى دلوقتى بتحبى الشركة ؟

قالت .. وايه دخل الحب فى العمل ؟

قال .. لما الواحد يبقى حر يقوم ما يعملش إلا العمل اللى يؤمن بيه .. والإيمان نوع من الحب .. وما أظنش إنك بتؤمنى بمنتجات الشركة الأمريكية !!

قالت وهى تحاول أن تسخر من كلامه .. على حسب كلامك .. يبقى لو اتجوزت واحد بحبه ابقى عبده له ولو عملت عمل أؤمن بيه ابقى عبده له برضه .. يعنى لا مفر من العبودية ..

قال كأنه يُلقى خطاباً سياسياً .. الحب هو العذر الوحيد الشريف للعبودية .. إن الإنسان يحب وطنه فيصبح عبداً له .. ويؤمن بمبدأ فيصبح عبداً له .. ويحب أمه فيصبح عبداً لها .. ولكن العبودية التى ليس لها عذر هى أن تتزوجى رجلاً لا تحبينه أو تعملى عملاً لا تؤمنين به ..

وصمتت تانى .. ثم قامت فجاة من فوق مقعدها .. وقالت وهى تمد يدها إليه مصافحة .. أحب أقولك إننا مش ممكن نتفق .. وأنا لسه مؤمنة بحريتى ..

ياترى أمينة غلطانة ولا صاحبنا اللى محبكها ؟

:) :)