كيف تكونت إسرائيل ؟

زى ما نجحت اليهود فى الحصول على مكاسب فى الحرب العالمية الأولى تمثلت فى وعد بلفور
نجحت برضه فى الحصول على أكبر مكسب ليهم بعد الحرب العلمية التانية
اللى اتمثل فى إنشاء دولة ليهم على أرض فلسطين
فى 1945 أعلن اليهود ضرورة تحويل دولة فلسطين إلى دولة يهودية
بريطانيا بقى اللى كانت فلسطين فى الوقت ده تحت حمايتها ما كانتش عايزة تغضب العرب
لأنهم كانوا معاها ضد تركيا فى الحرب العالمية التانية
وعشان كده كانت رافضه الحكاية دى
اليهود بقى اتقلبوا على حكومة الإنتداب البريطانى فى فلسطين
وقامت معارك ما بينهم واعتقلت الحكومة آلاف منهم
لما العملية طولت لجأت بريطانيا للأمم المتحدة فى مارس 1947 عشان عشان تشوف حل
تشوف حل لإيه ؟
للقضية الفلسطينية
ودى كانت أول مرة يظهر لفظ القضية ده
وجه الحل على طول فى نوفمبر من الأمم المتحدة
اللى هو إيه ؟
بالظبط
مشروع تقسيم فلسطين
إتحدت الدول العربية .. كانت أيام حلوة
والعرب فضلوا يطحنوا فى اليهود اللى كان عددهم 21 ألف
لما الأمم المتحدة لقيت العرب جامدين كده لغت مشروع التقسيم
وفى الوقت ده كانت بريطانيا شالت قواتها من فلسطين
الساعة 4 من يوم 14 مايو لسنة 1948

أعلن بن جوريون .. أول رئيس لإسرائيل .. إستقلال دولة إسرائيل
بعدها بساعة أعلنت الولايات المتحدة إعترافها بإسرائيل
تانى يوم الصبح دخلت إسرائيل الحرب مع العرب وإنطحنوا لتانى مرة
إلى أن صدر قرار من مجلس الأمن بوقف إطلاق النار
وبدأت المفاوضات بين العرب وإسرائيل

اللى هى كانت نوع من توفير الوقت لإسرائيل مش أكتر
فى الفترة اللى كانت فيها المفاوضات دى انضم للجيش الإسرائيلى 25 ألف مقاتل
وبقى تسليحهم بقدرة قادر متفوق على العرب مجتمعين
وبالتالى إضطر العرب لإعلان إستعدادهم لوقف إطلاق النار
ودخلوا فى مفاوضات مع إسرائيل وهو المطلوب
فى 7 يناير 1949 الحرب خلصت وبقيت إسرائيل حقيقة
بعد ما نزلت عليها الإعترافات الدولية

على فكرة مصر كانت أول دولة عربية تعترف بإسرائيل
وأعلن بن جوريون وقلبه مطمن أن القدس عاصمة فلسطين واللى مش عاجبه يورينى نفسه
وفى 5 يوليو 1950 أعلن قانون العودة
الذى ينص على حق كل يهودى فى المجىء إلى إسرائيل بإعتباره مهاجراً عائداً
وبسرعة البرق أصبح تعداد إسرائيل يزيد عن مليون ونص