حكايات برمودا

أنا لخصت ليكم كل اللى قريته وشوفته عن مثلث برمودا فى الملف ده
http://www.mediafire.com/download.php?yqtten5kg0q

لكن اللى دخل دماغى بصراحة تفسير الدكتور زغلول النجار ..

" فلما تجلى ربه للجبل جعله دكاً "

هى دى الآية اللى بتحمل لغز مثلث برمودا والأقرب إلى العقل ..

ربنا قال فى كتابه " والجبال أوتادا "

الوتد بيبقى تلتينه فى الأرض والتلت على السطح زى الصورة دى كده

لما ربنا يدك الجبل .. إيه اللى هيحصل ؟

بالظبط كده ..

الجبل كله هيغوص كله فى الأرض ..

طيب إحنا عارفين إن الأرض كروية ..

وعارفين برضه إن الأرض كره مصمته ..

يبقى طبيعى لما الجبل يندك فى الأرض إيه اللى يحصل ؟

تمام ..

هيطلع من الناحية التانية كمية مماثلة للكمية اللى انزاحت نتيجة الدك ..

وربنا بيقول برضه " والسقف المرفوع والبحر المسجور " ..

اتفسر إزاى الكلام ده ؟

طبعاً إحنا عارفين إن باطن الأرض عبارة عن سوائل وحمم ملتهبة ..

والدكة هتسبب تحرك السائل الملتهب ده فى نفس إتجاهها ..

الجهة المقابلة لجبل الطور فى الناحية التانية من الأرض هو المحيط الأطلنطى ..

يبقى هيطلع من قاع المحيط إيه ؟

بالظبط

هتطلع الكمية اللى جبل الطور أزاحها ..

ركزوا بقى معايا فى الحتة دى ..

دلوقتى أنا قاعد فى بيت والبيت ده ليه سقف ..

وفيه بدرون تحت البيت ..

وانا فوق هيبقى سقف البدرون بالنسبة لى الأرضية ..

طبقوا بقى الحكاية دى على الأرض اللى عليها الجبل وقاع المحيط ..

الأرض اللى عليها الجبل هى سقف البيت كله ..

وقاع المحيط هو سقف البدرون ..

خلاص كده ..

نطبق بقى على الكرة الأرضية ..

الطبقة اللى إحنا عايشين عليها دى تحتها الطبقة اللى فيها سوائل ملتهبة ..

لما الجبل إندك ..

الطبقة المماثلة للطبقة اللى احنا عايشين عليها هى اللى خرجت من قاع المحيط ..

يبقى الطبقة اللى فاضلة فى قاع المحيط ايه ؟

بالظبط كده ..

الطبقة اللى فيها سوائل ملتهبة ..

يبقى السقف مرفوع لأن الطبقة اللى المفروض بنعيش عليها هنا اتشالت هناك ..

والبحر مسجور لأن أصبح قاعه ملتهب ويتقد بالنيران ..

كويس قوى

يبقى كده حصل خرق للأرض ..

وتحرك جزء من السائل المنصهر فى باطن الأرض خلال هذا القطر ..

وربنا بيقول

" يا معشر الجن والإنس إن استطعتم أن تنفذوا من أقطار السماوات والأرض

فانفذوا لا تنفذون إلا بسلطان فبأي آلاء

ربكما تكذبان‏ يرسل عليكما شواظ من نار ونحاس فلا تنتصران‏‏ "

ومن الآية دى يتضح لنا وجود قطر واحد للأرض على الأقل

من مجموعة أقطار للسماوات والأرض ..

والذى يقترب من منفذ هذا القطر يرسل عليه الله النار والنحاس ..

وهما من مكونات باطن الأرض الأساسية ..

وهذا هو الذى يحدث لكل من يقترب لهذه المنطقة ..

إذا دخل فى مجالها يجذب إلى مركزها ولا نجد له أثر .